Запрашаем усіх на абмеркаванне таго, як змяніць сябе, каб змяніць Беларусь.

“Каб зноў пачаць уплываць на будучыню краіны, грамадскім актарам патрэбна пераасэнсаванне сваёй ролі ў сённяшняй Беларусі. Трэба выйсці з крызісу і намацаць накірункі развіцця, правесці перазборку сваёй дзейнасці. Знайсці аптымізм, але пазбавіцца ілюзій”.

Вось што мы запланавалі на 23 лістапада:

• Дыскусія: Як (без ілюзій) думаць пра будучыню ў крызіс. Якія сцэнары мы бачым для Беларусі і сябе? Якой сёння мусіць быць роля грамадскіх актараў? Як правільна вызначыць мэту дзейнасці, захаваць пры гэтым і аптымізм, і цвярозую ацэнку перспектываў?
• Дзве серыі паралельных дыскусій па сектарах (моладзь, адукацыя, даследванні, ідэнтычнасць, супольнасці і інш.). Удзельніцы і ўдзельнікі ў фармаце World Cafe абмяркуюць ролю кожнага сектару ў працэсе сацыяльнай трансфармацыі, якой яна мусіць стаць, і змены, якія для гэтага патрэбны.
• Fishbowl дыскусія “Чаму мы павінны змяніцца”. Грамадскі сектар выжыў і перабудаваўся, але згубіў істотную частку свайго ўплыву. Ці магчыма спыніць гэты працэс, якія шляхі нарошчвання ўплыву застаюцца і якую крытычную працу неабходна для гэтага правесці?

На сайце BFUNCONF.LIVE вы знойдзеце імёны ўдзельніц і ўдзельнікаў дыскусійных панэляў, а таксама мадэратарак і мадэратараў паралельных абмеркаванняў.

Калі: 23/11/2024, з 13:00 да 17:30
Дзе: Centrum Kreatywności Targowa (Warszawa, Targowa 56)

Рэгістрацыя тут!

Будзем рады пабачыцца!